Bibliófagos! (novembro de 2023)

EDLG do IES Chano Piñeiro. Curso 2023-2024.

Bibliófagos: animación á lectura e a escritura.

A escritora Neves Soutelo desenvolveu una actividade de dinamización do noso alumnado para fomentar o hábito da lectura e para animalos a eles mesmos escribir relatos de ficción.

Visita ao IES de Ponte Caldelas (novembro de 2023)

EDLG do IES Chano Piñeiro. Curso 2023-2024.

O noso alumnado visitou o IES de Ponte Caldelas para compartir diversas actividades deportivas co alumnado dese centro.

Chocolatada no Chano (11 de outubro de 2023)

EDLG do IES Chano Piñeiro. Curso 2023-2024.

O mércores 11 de outubro de 2023 inauguramos o club de lectura deste novo curso 2023-24 cunha xenerosa chocolatada. Felices de que a familia lectora medre e de poder compartir chocolate e historias. Un ano máis o equipo de dinamización de lingua galega e o da biblioteca colaboraremos estreitamente.

Inspección do río Lérez (4 de outubro de 2023)

EDLG do IES Chano Piñeiro. Curso 2023-2024.

O mércores 4 de outubro de 2023, os alumnos e alumnas de 1º de ESO tivemos unha saída á área recreativa do Cotelo (Forcarei), acompañados dos profesores de Bioloxía e Xeoloxía, Matemáticas e os técnicos ambientais do proxecto. 

Realizamos unha primeira inspección de outono dun tramo do río Lérez, onde puidemos observar a presenza de flora de ribeira, macroinvertebrados e anfibios. Tamén fixemos unha medición da temperatura e dos parámetros fisicoquímicos da auga. Finalmente, coa presenza de varias especies de bioindicadores, concluímos que o río presenta un estado de saúde bo. Isto implica un lixeiro deterioro respecto dos últimos anos, nos que era moi bo. Ademais tamén observamos varias árbores (carballos e ameneiros) secas. Agardaremos ao estudo de primavera para ver como evoluciona. 

Fitotoponimia de Terra de Montes

As actuacións do equipo de dinamización, en colaboración co departamento de Lingua Galega e dentro do Plan Proxecta Fitofaladoiro remataron este curso cunha exposición no centro dun excelente traballo realizado polo alumnado de 4º da ESO en relación ca fitotoponimia de Terra de Montes. Nomes fermosos ligados á nosa flora!

Hai vida nos libros

Este ano conmemoramos o 23 de abril, Día do Libro, en colaboración co grupo da biblioteca e o club de lectura, cunha actividade de animación á lectura. Puxemos cara a 32 clásicos da literatura universal, quixemos coñecer a persoa que está detrás e dentro deses libros, difundir a idea de que os clásicos están vivos e animar á súa lectura en galego. Sen ningunha dúbida, en galego estamos no mundo e a través da nosa lingua podemos acceder ás grandes obras da literatura universal.

Aprazamento Día de Rosalía: venres 26

Aprazamento da conmemoración do Día de Rosalía

 A causa da vacinación do profesorado que vai ter lugar o mércores, pospoñemos a conmemoración do Dia de Rosalía para o vernes ás 13:25. 

Estade pendentes da nova programación!!

Día de Rosalía

Desde aquí podedes ver en directo o noso acto de conmemoración do Día de Rosalía, "Rosalía e o mar". Mañá, mércores 24, ás 13:25

Conmemoración do Día de Rosalía

 Un ano máis, conmemoramos no noso centro o Día de Rosalía. E este ano escollemos como tema “Rosalía e o mar”.  A natureza foi moi importante na obra de Rosalía de Castro; toda a natureza de Galicia, o mar e a montaña, as veigas e os prados, as fontes e os regatos pequenos, os montes e os ríos, a vexetación e a fauna... Neste momento en que vivimos, limitados nos movementos, lembrámonos especialmente do mar, porque está lonxe de nós,  non podemos achegarnos a el e sentir a súa fermosura e a súa forza. Na obra de Rosalía o mar  foi moi importante e aparece en moitas ocasións, con distintos significados e diferentes simboloxías.  Segundo deixou escrito o seu marido, Manuel Murguía, “o mar foi, na natureza, o seu amor predilecto”.

Por iso nós nesta ocasión queremos lembrar a relación entre Rosalía e o mar e, ao mesmo tempo, facer unha homenaxe ao noso mar e á nosa paisaxe costeira, partindo dun poema de Cantares gallegos, “Nosa Señora da Barca”, en que a autora recrea o ambiente dunha das festas máis concurridas da Galicia mariñeira, a da Nosa Señora da Barca, en Muxía, partindo dunha coñecida copla popular:

“Nosa Señora da Barca

ten o tellado de pedra.

Ben o puidera ter de ouro

miña Virxe, se quixera!”