25 jun 2018

Teatro... no Chano

O grupo de teatro de 2º de ESO,  dirixido pola profesora Clara Iglesias, representou a obra Pelexa na Souto, do autor Olimpio Arca,  o último día do curso 17-18. Alicia, a profesora de Plástica, colaborou co seu incrible enxeño na fabricación do vestiario.  
Anteriormente, xa actuaran para os alumnos e alumnas de 5º e 6º de Primaria dos colexios de Soutelo, Cerdedo e Forcarei. Tamén o fixeran na Residencia de Maiores de Forcarei.
Foi todo un éxito: a obra gustou a rapaces, mozos e maiores.
Podemos voltar a vela neste vídeo.

https://www.youtube.com/watch?v=LtHJDSz18Xs



22 jun 2018

Concurso de microrrelatos Día da Letras

Celebramos o Día das Letras Galegas cun concurso de microrrelatos. Este ano os premios foron para Diana Rozados, de 2º de ESO, e para David Obelleiro, de 4º. Entregamos os agasallos nos actos de fin de curso. Parabéns para os premiados e grazas a todos por participar!

Aquí está un dos relatos:

                                                                  Silencio
    Fixouse nela, estaba sentada nun banco diante del. Tiña a pel branca coma a neve e un sorriso cálido coma o sol.
    Miradas silenciosas, sorrisos tímidos e conversas que nunca empezan.
   Ela tívose que ir e despediuse cunha última mirada que mantiveron durante uns segundos, que para eles foron eternos, coma se otempo se conxelase.
   El só nese parque, sentía lástima por unha oportunidade perdida. Viu como se ía e colleu valor para ir tras dela. 
   Cando por fin se atoparon non fixeron falta palabras, estaba todo dito xa.
   Dúas almas acariciáronse naquela tarde invernal.
                                                                                                                                    David

8 jun 2018

Polo Rianxo das Letras

O pasado día 6, o noso alumnado estivo en Rianxo, nunha visita guiada, achegándose ao mundo mariñeiro e seguindo os pasos dos autores nados nesa vila: Castelao, Dieste e Manuel Antonio.

PREME PARA VER MAIS INFORMACIÓN