Por segundo ano consecutivo, Isabel, a profesora de música revolucionou ao persoal do instituto para organizar un dos seus retos musicais. Co alumnado de 1º de bacharelato como protagonistas principais, lanzouse á aventura de poñer en escena unha adaptación do musical West Side Story ambientado nesta ocasión nunha suposta rivalidade Cerdedo - Forcarei. Entre actores, actrices e músicos case medio cento de persoas implicadas en maior ou menor grao no proxecto (incluso algúns membros do claustro de profesores se atreveron a pisar o escenario!!). Foron varios meses de traballo que se viron recompensados co aplauso dun público que soupo valorar a dificultade que ten coordinar un proxecto desta magnitude. Parabéns para tod@s!
![](https://blogger.googleusercontent.com/img/b/R29vZ2xl/AVvXsEiChABkXDr1GrMWEW7I3jGxr5_f_h7PMjrYWOfZjP_vDkry8x8M9dNLzlmi3r9Q_ZfSa6bgAUTmoPvCrtU_QzzNluc8V1No77cKF2KPyRwKt5sE40_DSR7KsQ3GmiAR5J3hEEPVIGLERgc/s320/west02.JPG)
![](https://blogger.googleusercontent.com/img/b/R29vZ2xl/AVvXsEggLCDiPiL6HipS8hhe0MIB0mba5Wb145PH7LWm4_k_sndbZ1UyA62b8gfkoBPcSyyKOkHQxD3lpxsYcoS0rKcZZYo25b0cZKD356FVsXdxjcCwO4fEFkdZ1Laj1nfg4fnR0_NBOpsz7v0/s320/west05.JPG)
Así conta esta experiencia Isabel, a profe de música e auténtica alma máter do proxecto:
Máis
ou menos a cousa empezou así cando en setembro de 2014 recibín por primeira vez
aos alumnos de Bacharelato e lles expliquei o programa, os contidos e as
intencións para o novo curso...
EU:
“Bueno, xa vístedes que os vosos compañeiros do ano pasado deixaron o listón
ben alto”.
ELAS
E ELES: “Si, fixérano xenial. Quedoulles todo moi ben.”
EU:
“Si, tanto que este ano vai ser difícil superar o reto teatral e musical. E xa
sabedes que en bacharelato sodes vós quen tedes a responsabilidade de decidir,
realizar e mobilizar”.
LINO:
“Eu xa estiven pensando nunha idea... Por que non representamos West Side
Story?”
EU:
“Eeeehhhh, Lino... é unha obra de
gran envergadura... poderíamos ‘pensar’
en intentalo”.
A
MIÑA CABEZA (ao mesmo tempo): “Pero, pero...!!!
Mecachis...!!! La Virgen...!!! Leonard Bernstein é dificilísimo e
escápase das nosas posibilidades...!!!”
Aos poucos días, logo de irlle dando voltas na cabeza a
un “por que non?” que non me deixaba ni a sol nin a sombra, decidimos afrontar
o reto. O resultado foi que este xoves 18 de xuño representamos a nosa
particular visión de West Side Story, localizado e adaptado a Forcarei, pero na mesma liña temática, na
mesma tipoloxía de personaxes e mantendo varias das cancións do
musical/película de Leonard Bernstein.
Todo un reto marabilloso que funcionou grazas á xente
fantástica que hai no Chano Piñeiro...
Cóntovos, pero creo que non da forma tradicional senón
así...
![](https://blogger.googleusercontent.com/img/b/R29vZ2xl/AVvXsEhOqkgp0QHn05Y3aZPo-kqVs8t_HmqJhvxDvorX9UMVz65arm7EMY7Lcw4G9h8jEY3KPrYcMODEfyQnjhXEzmP5-U1MH_PfVSPbA5H3_T0NneCD0LeV0fz7Ukj4Z0d4g5AdBkV8vTefK7Q/s320/west01.JPG) |
Elenco de actores e actrices do noso West side Story |