María Souto, meteoróloga da TVG, no IES Chano Piñeiro

Hoxe ás 11:30 visitounos María Souto, meteoróloga da TVG, que nos fixo unha presentación sinxela e amena de como se fai unha predición do tempo e como se traballa no Servizo galego de Meteoroloxía. Realmente resultou moi interesante polo seu contido amais de pode comprobar que na nosa lingua tamén se pode non só facer ciencia de calidade senón tamén divulgala, como ela ben nos dixo no comezo da súa presentación. Daquela consideramos que foi unha actividade moi produtiva e recomendable.