3 jun. 2013

Premio Leixaprén 2013



A Coordinadora Galega de Equipos de Normalización e Dinamización Lingüística vén de outorgar o Premio Leixaprén 2013 ao triatleta Javier Gómez Noya. Fillo de emigrantes galegos en Suíza, criouse na cidade de Ferrol, onde reside, e adestra habitualmente no Centro de Tecnificación Deportiva de Pontevedra. Na actualidade é un dos triatletas máis importantes do panorama internacional con tres campionatos do Mundo e tres de Europa nesta disciplina deportiva, ademais da medalla de prata obtida na pasada Olimpíada de Londres. 

Javier, que ten manifestado publicamente a importancia do uso da lingua galega, foi galardonado por empregar a nosa lingua de forma habitual tanto nos medios de comunicación, como nas charlas e/ou manifestacións públicas. Parabéns para el!!!


No hay comentarios:

Publicar un comentario