"O enfermo imaxinario" en Cerdedo

 

EDLG do IES Chano Piñeiro. Curso 2024-2025. 

Despois da estrea no instituto, o grupo de teatro de 4º da ESO levou a peza O enfermo imaxinario, de Molliere, ao centro cívico de Cerdedo, para que toda a comunidade escolar puidera gozar deste gran traballo do noso alumnado.

"O enfermo imaxinario" (12 de xuño de 2025)

EDLG do IES Chano Piñeiro. Curso 2024-2025. 

O grupo de teatro de 4º da ESO representou diante dos seus compañeiros a peza teatral "O enfermo imaxinario", baseado nunha obra de Molliere. O traballo de todo un curso de ensaios tivo a súa recompensa en forma de fortísimos aplausos do público que gozaron co traballo dos compañeiros sobre o escenario.

 

Exposición sobre Barriga Verde (3º trimestre)

 

EDLG do IES Chano Piñeiro. Curso 2024-2025. 

Durante o terceiro trimestre, os corredores do noso instituto acolleron unha exposición que busca recuperar a figura de Barriga Verde.

A exposición mergúllanos no fantástico mundo no que naceu Barriga Verde, o último monicreque popular galego. Convídanos a percorrer o mundo no que se desenvolveu este espectáculo, o das feiras tradicionais, acontecemento festivo por excelencia en Galicia até a década de 1960. Así mesmo, condúcenos polas bambalinas da barraca para coñecer os segredos dos artistas que fixeron posíbel a maxia destes títeres até a súa desaparición, case ao mesmo tempo que aquelas feiras que aínda lembran as persoas maiores, de cando o cinema e a televisión aínda non eran as principais fábricas de soños.

 

Producida pola Asociación Cultural Morreu o Demo, embarcada no proceso de preservación e activación do teatro de títeres popular galego, a exposición inclúe pezas orixinais de José Silvent, un dos creadores de Barriga Verde.

Correlingua na Estrada (21 maio de 2025)

 

EDLG do IES Chano Piñeiro. Curso 2024-2025. 

Un ano máis, o alumnado do Chano asistiu na Estrada ao Correlingua, para berrar a favor da nosa lingua e tamén gozar da actuación musical de Pauliña e do ambiente festivo do evento.

Intercambio co CPI Pecalama de Tordoia (19 de maio de 2025)

 

EDLG do IES Chano Piñeiro. Curso 2024-2025.

O alumnado do club de lectura do Chano Piñeiro realizou un intercambio co club do CPI Pecalama, en Tordoia. Levaronnos a visitar Pedra Longa, o Dolmen de Cabaleiros e a fervenza de Portocillos. Para rematar esta convivencia plantamos no seu xardín un arce xaponés como símbolo de irmandade.

Amigo invisible literario (19 de maio de 2025)

EDLG do IES Chano Piñeiro. Curso 2024-2025.

Un ano máis e co gallo da celebración do día das letras galegas, o profesorado do Chano Piñeiro levamos a cabo o noso particular amigo invisible literario. Cada profesor/a agasalla un libro a un compañeiro/a. Que vivan os libros e a literatura en galego!

Celebración do día das Letras galegas (16 de maio de 2025)

 

EDLG do IES Chano Piñeiro. Curso 2024-2025.

En colaboración co  Colexio de Nosa Señora das Dores, realización dun espectáculo de música no salón de actos. O alumnado dos dous centros que participa no grupo de música do Concello de Forcarei e Cerdedo agasalláronnos diferentes pezas da nosa música tradicional. 

Esculturas de área na Lanzada (16 de maio de 2025)

EDLG do IES Chano Piñeiro. Curso 2024-2025. 

O alumnado de 1º e 2º da ESO asistiu un ano máis á praia da Lanzada para recibir un obradoiro sobre esculturas de área.

Charla sobre adicións (7 de maio de 2025)

 

EDLG do IES Chano Piñeiro. Curso 2024-2025. 

O alumnado de 4º da ESO asistiu a unha charla para sensibilizárense dos perigos asociados a diferentes adicións: xogo, drogas, etc.

Escola sen racismo (5 de maio de 2025)

EDLG do IES Chano Piñeiro. Curso 2024-2025. 

O alumnado de 1º da ESO asistiu a un obradoiro para a sensibilización contra do racismo.

 

Conferencia sobre Alfonso X O Sabio (12 marzo 2025)

 

EDLG do IES Chano Piñeiro. Curso 2024-2025. 

O alumnado do IES asistiu a unha conferencia sobre Alfonso X o Sabio impartida pola profesora Elvira Fidalgo Francisco da USC. Afondamos na súa figura como creador e divulgador da cultura da época, sobre todo en lingua galega.