Blogue do Equipo de Normalización e Dinamización da Lingua Galega do IES Chano Piñeiro de Forcarei
EDLG do IES Chano Piñeiro. Curso 2024-2025.
O alumnado de 3º da ESO visitou o mosteiro de Carboeiro e a fervenza do Toxa. Ademais, no marco do proxecto interanual de oficios tradicionais, acudiron en Vila de Cruces ao taller de Elena Ferro, zoqueira artesanal galega.
EDLG do IES Chano Piñeiro. Curso 2024-2025.
O alumnado de 1º da ESO acudiu á área recreativa do Cotelo para realizar a inspección de primavera do río Lérez ao seu paso por Forcarei. Estudamos diversos parámetros biolóxicos e físico-químicos para determinar a saúde do río.
EDLG do IES Chano Piñeiro. Curso 2024-2025.
No marco do proxecto interanual de oficios tradicionais, o alumnado de 1º e 2º da ESO visitou a comarca do Rosal para visitar o muíño das Aceñas e diferentes petroglifos.
EDLG do IES Chano Piñeiro. Curso 2024-2025.
A mostra "Castelao na Terra de Montes", que amosa a relación do escritor e político coa comarca, recalou este curso no noso centro.
EDLG do IES Chano Piñeiro. Curso 2024-2025.
Visita do noso alumnado ao CPI Pecalama de Tordoia, que nos levaron de roteiro a visitar o dolmen de Cabaleiros e a Pedra Longa.
EDLG do IES Chano Piñeiro. Curso 2024-2025.
A catedrática de filoloxía románica Elvira Fidalgo impartiu un relatorio ao noso alumnado sobre Alfonxo X o sabio, o rei de castela que escribiu en galego.
EDLG do IES Chano Piñeiro. Curso 2024-2025.
Este ano no noso centro decidimos celebrar o Entroido á volta das vacacións. Concurso de disfraces, música, baile e, sobre todo, moitas ganas de pasalo ben!
EDLG do IES Chano Piñeiro. Curso 2024-2025.
Este ano, para conmemorar o día da muller, o noso centro, en colaboración co Concello de Forcarei, impartiu uns obradoiros para que, a partir de diferentes xogos, o noso alumnado reflexionase sobre diferentes aspectos entorno ao machismo e a igualdade de xénero.
EDLG do IES Chano Piñeiro. Curso 2024-2025.
Ciencia en galego. Visita aos museos científicos da Coruña: Domus Casa do Home, Acuario e Casa das ciencias e planetario.
EDLG do IES Chano Piñeiro. Curso 2024-2025.
Celebración do día de Rosalía, este ano centrado nos poemas de Rosalía adicados aos oficios tradicionais: costureiras, gaiteiros, albeites, pedreiros, muiñeiros, carreteiros, ...
EDLG do IES Chano Piñeiro. Curso 2024-2025.
Un ano máis o alumnado de 4º da ESO acudiu a Pontevedra a realizar un roteiro adicado a Castelao.
EDLG do IES Chano Piñeiro. Curso 2024-2025.
Visita a Allariz para realizar un roteiro literario adicado á xeración Nós, co alumnado de 4º da ESO.
EDLG do IES Chano Piñeiro. Curso 2024-2025.
O alumnado de 4º da ESO e Bacharelato acudiu a Pontevedra para asistir á representación da obra teatral "Desexo", un espectáculo que está concebido como unha reflexión en ton cómico sobre a ausencia xeralizada de educación sexual, tanto no ámbito doméstico, como no marco formativo regrado; tamén sobre a substitución polo que se pode aprender na pornografía e nas redes sociais, coa consecuente aparición de malos hábitos, frustracións, estereotipos sexistas e unha excesiva presión á hora de manter relacións afectivo-sexuais.
EDLG do IES Chano Piñeiro. Curso 2024-2025.
Roteiro Pardo de Cela pola Mariña (I) Catedral de San Martiño de Mondoñedo de Foz e Catedral de Mondoñedo no que se atopa a tumba do Mariscal.
Na praza da Catedral da histórica vila de Mondoñedo tivo lugar a execución pública de Pardo de Cela o 17 de decembro de 1483.
EDLG do IES Chano Piñeiro. Curso 2024-2025.
O pasado mércores 11 de decembro tivemos a sorte de contar coa visita de Noelia Míguez (@noedorinda) que ofreceu unha impactante charla sobre violencia de xénero para o alumnado de 4°ESO , 1° e 2° Bach.
Dende a experiencia persoal, explicou as diferentes fases da violencia de xénero logrando sensibilizar e impactar a alumado e profesorado.
Falou do libro do que é coautora "Oito sinais: cuestión de vida ou muerte" onde recolle a súa historia de supervivencia e do que contamos con exemplares no centro.
EDLG do IES Chano Piñeiro. Curso 2024-2025.
Conmemoramos o día das persoas con discapacidade (3 de decembro) coa colaboración de Álex Ferradás. Grazas por contarlle as túas vivencias e por axudarnos a crear un mundo máis inclusivo. Grazas tamén á Residencia As Dores de Forcarei por deixarnos as cadeiras de rodas.
