Visita a Lugo (luns 25 de novembro de 2024)

EDLG do IES Chano Piñeiro. Curso 2024-2025. 

Visita a Lugo para coñecer unha das cidades máis importantes de Galicia e que conta cun importante patrimonio, destacando a súa muralla, declarada Patrimonio da Humanidade no ano 2000. 

Asistencia a un xuízo en Pontevedra (martes 12 de novembro de 2024)

EDLG do IES Chano Piñeiro. Curso 2024-2025. 

Alumnado de 4º da ESO asiste a un xuízo en Pontevedra no marco do programa Educar en Xustiza.

Deporte en galego (mércores 23 de outubro de 2024)

EDLG do IES Chano Piñeiro. Curso 2024-2025. 

Actividades de deporte escolar en Caritel, Pontecaldelas, xunto cos centros da nosa comarca.

Chocolatada para inaugurar o club de lectura (xoves 7 de novembro de 2024)

EDLG do IES Chano Piñeiro. Curso 2024-2025.

Un curso máis procedemos á inauguración oficial do noso club de lectura cunha chocolatada. A familia lectora vai medrando e este ano xa somos 45 membrxs. Feliz curso lector a todos e a todas.

Entrega premios concurso relatos de terror (martes 5 de novembro de 2024)

EDLG do IES Chano Piñeiro. Curso 2024-2025.

Entrega dos premios aos gañadores da segunda edición do Concurso de relatos de terror co gallo da celebración do Samaín.

Os primeiros premios foron para Oliva Brea e Xeila Viéitez por Marmellar Vólei Club e para Sofía Dobalo por A vaca vampira, nas modalidades A e B respectivamente. 

Os segundos premios recaeron en Nadia Vázquez con O asasino do espello e en Diego Márquez por Unha lenda sen título nin protagonista, modalidades A e B tamén.

Noraboa aos premiadxs e a seguir escribindo.

Proxección da película As Neves (luns 25 de novembro de 2024)

EDLG do IES Chano Piñeiro. Curso 2024-2025.

Proxección no noso centro da película As Neves, dirixida por Sonia Méndez e rodada en galego, para concienciar ao noso alumnado dos perigos dun uso inapropiado das redes sociais.

Proxección da película O Corno (luns 25 de novembro de 2024)

EDLG do IES Chano Piñeiro. Curso 2024-2025.

Dentro dos actos para conmemorar o 25 N, día internacional para a eliminación da violencia contra as mulleres, o alumnado do centro asistiu á proxección da película O Corno, dirixida por Jaione Camborda e rodada en galego.

Cartelería para a conmemoración do 25 N (luns 25 de novembro de 2024)

EDLG do IES Chano Piñeiro. Curso 2024-2025.

O alumnado do centro, coordinado pola profesora de Plástica, elaborou diferentes murais e traballos de papiroflexia para conmemorar o 25 N, día internacional para a eliminación da violencia contra as mulleres.

Teatro contra a violencia machista (venres 22 de novembro de 2024)

EDLG do IES Chano Piñeiro. Curso 2024-2025.

Adiantámonos un par de días para conmemorar o 25 N, día internacional para a eliminación da violencia contra as mulleres. Para tal fin, o  grupo de teatro de 4º da ESO levou a cabo para o resto do alumnado do centro unha representación de microteatro, con pequenas pezas sobre a violencia machista.

Visita a Sogama (mércores 20 de novembro de 2024)

EDLG do IES Chano Piñeiro. Curso 2024-2025.

Visita a SOGAMA do alumnado de 1º e 4º da ESO do noso instituto, para coñecer o funcionamento do tratamento do lixo e tomar conciencia sobre a necesidade da reducción, reciclaxe e reutilización.

Inspección do río Lérez (mércores 30 de outubro de 2024)

EDLG do IES Chano Piñeiro. Curso 2024-2025.

Un ano máis, o noso alumnado realizou unha saída para coñecer o estado do río Lérez ao seu paso polo concello de Forcarei. Desta volta, foron os rapaces e rapazas de 2º da ESO e 4º PDC os que realizaron a inspección do río, acompañados de dúas profesoras de matemáticas do centro e unha bióloga e educadora da asociación ecoloxista ADEGA.

O que fixemos foi un estudo do estado de saúde deste treito do río Lérez mediante a análise de diversos parámetros e indicadores: estudo da biodiversidade (fauna e flora), análise da calidade fisicoquímica da auga (temperatura, pH, nitratos, osíxeno disolto na auga) e, como actividade principal, realizamos unha clasificación dos macroinvertebrados (larvas de cabaliño do demo, de libeliñas, de mosquito, ...) que viven no leito do río e son bioindicadores, xa que algunhas destas especies soamente viven en augas limpas e ecosistemas ben conservados.

A conclusión que obtivemos de dito estudo é que o estado de saúde deste treito do río Lérez é moi bo, e de todos/as nós depende que siga sendo así!

Visita a Ourense para intercambio co IES Blanco Amor (luns 14 de outubro de 2024)

 EDLG do IES Chano Piñeiro. Curso 2024-2025.

Intercambio co IES Blanco Amor de Ourense. Devolvemos a visita a súa cidade logo de que estiveran con nós o ano pasado coñecendo Terra de Montes.

Visita á Escola de Canteiros de Poio (xoves 10 de outubro de 2024)

EDLG do IES Chano Piñeiro. Curso 2024-2025.

Dentro do proxecto etnográfico que este curso imos levar a cabo no noso instituto para coñecer máis sobre oficios tradicionais, o alumnado de terceiro e cuarto da ESO visita a Escola de Canteiros de Poio e o Salón da oferta de educación e formación de Galicia.

Tras dos pasos de Rosalía de Castro por Padrón (5 xuño de 2024)

 

EDLG do IES Chano Piñeiro. Curso 2023-2024.

Visita a Padrón do alumnado de 3º da ESO e 1º de Bacharelato para visitar a casa de Rosalía e aprender máis sobre a nosa escritora máis senlleira.

Excursión ás Illas Cíes (21 de xuño de 2024)

 

EDLG do IES Chano Piñeiro. Curso 2023-2024.

Remata o curso e o alumnado de 1º e 3º da ESO acudiu neste último día de aulas ás Illas Cíes. Que mellor maneira de acabar o curso que coñecendo este fermoso parque natural do noso país!

Actividade formativa e de ocio en San Xurxo de Sacos (21 de xuño de 2024)

 

EDLG do IES Chano Piñeiro. Curso 2023-2024.

O curso chega á súa fin e o alumnado de 2º da ESO asistiu neste último día de aulas a San Xurxo de Sacos para asistir a unha actividade formativa e de ocio.

O grupo de teatro do Chano no auditorio de Cerdedo (17 de xuño de 2024)

 

EDLG do IES Chano Piñeiro. Curso 2023-2024.

Por segundo ano, o grupo de teatro do alumanado de 1º da ESO do noso instituto remata o curso mostrando o traballo realizado durante todos estes meses. Se polo mañá foron o resto de compañeirxs do instituto os que puideron gozar desta obra, pola tarde foi toda a veciñanza do Concello de Cerdedo-Cotobade a que puido asistir á representación da obra "Restaurante Carmiña", que tivo lugar no centro cultural de Cerdedo.

 

Grupo de teatro do Chano: "Restaurante Carmiña" (17 de xuño de 2024)

 

EDLG do IES Chano Piñeiro. Curso 2023-2024.

Por segundo ano, o grupo de teatro do noso instituto remata o curso mostrando o traballo realizado durante todos estes meses. Este ano a obra representada leva por título "Restaurante Carmiña" e todo o alumnado da ESO puido gozar desta magnífica representación levada a cabo polo alumnado de teatro de 1º da ESO. Tamén o alumnado de primaria do CEIP As Dores de Forcarei puido asistir a unha representación desta peza teatral.

Letras galegas 2024: Luisa Villalta (Maio de 2024)

 

EDLG do IES Chano Piñeiro. Curso 2023-2024.

Este ano o día das Letras Galegas está adicado a Luisa Villalta e no noso instituto celebrámolo estudando a súa obra e cunha exposición que estará exposta o que resta de curso.

Calendario do Chano Piñeiro (Decembro 2023)

 

EDLG do IES Chano Piñeiro. Curso 2023-2024.

Un ano máis, como xa é tradición, editamos un calendario que repartimos entre toda a comunidade educativa. 

Continuando ca tarefa de investigación que desenvolvemos no centro sobre a riqueza cultural e paisaxística da Terra de Montes, este ano os calendarios que se ofertan á comunidade educativa como modo de dar a coñecer esta riqueza tratan sobre as moitas augas que corren pola comarca de Terra de Montes, en forma de arroios, regatos, regueiros, regueiriños, regos e reguiños, que se unen formando cinco importantes ríos. Catro deles nacen en Terra de Montes: o Lérez, o Umia, o Verdugo e o Deza. O Avia nace máis ao sur, pero parte das súas augas proceden da nosa comarca. No calendario, ademais das fotografías, inclúense diversas descricións e informacións.

 

 

 

 

 

Obradoiro igualdade (25 de novembro 2023)

 

EDLG do IES Chano Piñeiro. Curso 2023-2024.

En colaboración co Concello de Forcarei, o alumnado da ESO asistiu a un obradoiro de igualdade para tentar desmontar certos estereotipos e fomentar as relacións igualitarias entre homes e mulleres.

Obradoiro "Emocións en perigo" (29 de maio de 2024)

EDLG do IES Chano Piñeiro. Curso 2023-2024.

En colaboración co equipo da biblioteca, o alumnado do Chano Piñeiro participou nun obradoiro que se desenvolveu na Fundación Abanca en Santiago de Compostela. Reflexionamos sobre sentimentos e identidade a partir da exposición de fotografía de Fuco Reyes, O espello de Claude.

Roteiro pola contorna co alumnado do IES Blanco Amor (28 de maio de 2024)

EDLG do IES Chano Piñeiro. Curso 2023-2024.

Recibimos  a visita do alumnado do IES Blanco Amor de Ourense, que xunto co noso alumnado de 3º e 4º da ESO, realizaron un percorrido a pé polo patrimonio de Forcarei: Pontes Gomaíl, Batán, Maril, do Crego, Antón...Castro Loureiro, Mosteiro de Aciveiro (conferencia do profesor Manuel Boullosa sobre esta xoia da nosa comarca) e Neveiras de Fixó.

Recomendación literarias

EDLG do IES Chano Piñeiro. Curso 2023-2024.

Un ano máis, no taboleiro do EDLG ofrecemos diversas recomendacións literarias.

Roteiro Castelao (26 de abril de 2024)

EDLG do IES Chano Piñeiro. Curso 2023-2024.

Un ano máis, o alumnado de 4º da ESO do centro realizou unha visita guiada á Pontevedra de Castelao.