Lingua de Montes

Singala e os enganos

2011-03-02T02:23:00.000-08:00

Onte 1 de marzo visitounos Manuel Núñez Singala para falar co alumnado de 4º de ESO do seu enganoso libro Menú de enganos.

Sobre a novela negra na nosa literatura

2011-02-27T02:19:00.000-08:00

Celebramos unha mesa redonda sobre a novela negra na Literatura Galega a cargo de Diego Ameixeiras e Miguel Anxo Fernández. Ambos falaron do por que do xénero, do estado deste na literatura universal e na galega en particular, dos seus autores predilectos, do ben e o mal, da relación co cine...

Veu Xabier Docampo

2011-02-17T02:16:00.000-08:00

Chegou el e a aula iluminouse o centro co seu sorriso. Contra todo prognóstico temporal, Xabier Docampo veu a Forcarei.
Desde que comezou a falar, conquistounos: A súa vida non prolífica, os seus degoiros máis humanos... a necesidade da lectura. Con el viaxamos ao mundo dos contos e con el aprendemos o valor da literatura.

A nova no Faro de Vigo, onte.

Sobre os nenos soldado

2011-02-16T02:14:00.000-08:00

Onte á tarde Ricardo Paz veu falarnos dos nenos soldado. O alumnado que asistiu foi 2º de ESO e mais 3º de Diversificación.
Aprendemos moito . Aprendemos, sobre todo, que temos moita sorte por termos nado aquí, e non en calquera outro lugar. Ricardo falounos das diferenzas sociais, das lecturas dirixidas, do xeito de ver o mundo sen comparar, sen preguntarnos por que. Ensinounos como hai xente que si sabe que as diferenzas non son xustas e que pretende eliminalas. Amosounos música e cine que loita por suprimir barreiras. Sentimos o sufrimento deses nenos que se ven inhabilitados para amar. Soubemos o por que das armas, do tráfico destas, dos intereses creados por un primeiro mundo ficticio que se sostén vendendo destrución.

De museos en Vigo

2011-02-02T02:12:00.000-08:00

O 1 de febreiro o alumnado de 3º e 4º da ESO fomos a Vigo: ao Museo do Mar, ao Verbum para asistir á representación dunha obra de teatro e ao Marco para ver a exposición de Virxilio Vieitez, xa que era de Soutelo de Montes, veciño de gran parte do alumnado, que puido identificar nas fotografías xente e lugares coñecidos.
A obra de teatro foi magnífica:

Verbum Fahrenheit achega a historia dos homes libro presente na novela de Ray Bradbury Fahrenheit 451 escrita en 1953 e levada ao cine por François Truffaut en 1966.
Verbum Fahrenheit é a historia de dous homes, dous presos que comparten un mesmo delito: ler. Ler nunha sociedade onde a lectura está prohibida e os libros son queimados por bombeiros incendiarios.
Lectores castrados nunha sociedade na que os libros son preservados na clandestinidade alén do mar, na terra dos homes libro. Neste lugar cada persoa esqueceu o seu nome e tomou o do libro que preserva e protexe na súa memoria. Xan agora é Longa Noite De Pedra de Celso Emilio e transmíteo de xeración en xeración agardando o día en que remate a represión e os libros poidan volver a imprimirse. Combina a narración, a música en directo e os monicreques para contar a historia dos homes libro.
Limiar Teatro.

Celebramos o día da PAZ

2011-01-30T22:02:00.000-08:00

En Forcarei tentamos falar de Paz. No teito, grúas de cores e tesoiras, metáfora da fraxilidade da Paz. Ademais, o alumnado de Tecnoloxía realizou un muro, símbolo de todos eses valados que aínda hai que derrubar no noso mundo. Por suposto, poemas, cine, imaxes... percorrían o centro, xunto coa palabra "paz" en supertamaño.
Aquí podedes ver as fotos:

Esta exposición complétase con estoutra: “Os nenos soldado: nenos na fronte de guerra” que pretende reflectir a situación de milleiros de nenos e nenas que en diferentes partes do mundo participan directa ou indirectamente en conflitos bélicos.

O venres xuntámonos todo o alumnado da ESO para realizar a actividade: unha lectura dun texto que mestura historia, poesía e música escenificada polo alumnado de 4º de ESO . Con cada novo poema o muro íase derrubando pouco a pouco. A música a cargo da nosa profe Isabel que fixo unha selección espléndida para acompañar.
Nós derrubamos o noso muro metafórico. Seremos quen de construír un mundo mellor?

Esta é unha proposta musical de Isabel para acompañar o texto:

E se non coñecedes o por que das grúas aínda aquí vai este vídeo:

Pero que difícil se antolla a realidade fóra do centro, verdade?:

Foto: Fred Dufour /AFP. Tomada de The Frame /The Sacramento Bee

Anxo Fariña e a arte da ilustración

2010-12-29T02:08:00.000-08:00

Outra das visitas que recibimos este mes de decembro foi a de Anxo Fariña.

Breogán Riveiro estivo connosco

2010-11-29T14:23:00.000-08:00

Este pasado mércores día 24 o escritor Breogán Riveiro acompañou o alumnado de 1º de ESO, quen lera previamente o seu libro Tonecho de Rebordechao. Breogán falounos de moitas cousas, mesmo do seu nome e dos nomes que temos nas aulas. Coma sempre, simpático, aberto, ameno, fixo que esa hora pasase máis axiña que o desexado.
Grazas a Breogán e á editorial Galaxia pola compañía.

Fomos a Culturgal

2010-11-28T23:05:00.000-08:00

Co alumnado de 3º de ESO estivemos o venres pola mañá en Culturgal: non podiamos faltar á festa da cultura galega! (E menos mal que fun ese día, porque hoxe coa neve os plans de volver trastocáronse). Aprendimos o que é a poesía visual da man de Branca Novoneyra, quen tamén recitou algúns dos seus poemas, e logo escoitamos o hip-hop de Fluzo que toleou ao alumnado alí presente. Un paseo pola feira, case en construción, axudounos a darnos unha idea de canto alí ía haber.

Feira do álbum ilustrado

2010-11-23T08:59:00.000-08:00

Durante o mes de novembro, en colaboración co equipo da biblioteca, celebramos unha Feira do álbum ilustrado coa finalidade de dar a coñecer este tipo de libros ao alumnado. Contamos coa colaboración do colexio, especialmente de Vanessa, a quen lle damos as grazas dende aquí.
Unha das actividades máis importantes é que o alumnado de 3º de Diver foi contarlles contos aos nenos e nenas de 3 anos. Hai que repetilo!

Elaboramos finalmente esta guía para todo aquel que precise dun consello:

Riveiro Coello estivo connosco

2010-11-16T08:56:00.000-08:00

Este luns día 15 de novembro estivo connosco Antón Riveiro Coello, quen tivo a xenerosidade e amabilidade de compartir connosco algunhas das horas docentes. Primeiro reuniuse co alumnado de 2º de ESO, quen previamente lera A voz do lago, e logo foi á aula de 4º de ESO para falar de A Quinta de Saler. Somos conscientes de que nos fixo un gran favor ao non dubidar en ningún momento en aceptar a nosa suxentión-invitación de vir a un centro pequeno con pouco alumnado para que este puidese coñecelo e, todo hai que dicilo, gozalo. Porque hai que engadir que o resultado foi excelente: o tempo non chegou a nada. Ademais, dous dos meus nenos de 3º de Diversificación estreáronse como presentadores... e non o fixeron nada mal!

Desde o noso recuncho, grazas, moitas grazas, Antón, pola túa xenerosidade.

4 de novembro, día da Ciencia e Tecnoloxía en Galego

2010-11-05T04:22:00.001-07:00

Loitando contra os efectos do Decreto, membros dos departamentos de Bioloxía e Tecnoloxía do IES. "Chano Piñeiro" co apoio do ENDL, veñen de realizar actividades dentro da convocatoria do día da Ciencia e Tecnoloxía en Galego.
O Departamento de Bioloxía preparou unha exposición de cunchas mariñas, onde se poden coñecer os seus nomes en galego.
O Departamento de Tecnoloxía participou da iniciativa promovida por Tecnoloxía.org e colaborou na recompilación de termos galegos relacionados coa Tecnoloxía dentro da actividade "Revoltallo de termos", facendo unha exposición mural con eles.
Podedes ver as fotos das actividades premendo na entrada do blog Trafegando Ronseis.

Benvida ó novo curso 2010-2011

2010-11-05T04:13:00.000-07:00

Desde este blogue desexamos a todos un bo curso académico, a pesares de que os tempos para os ENDL non son os mellores, como tampouco se presentan para o Galego, cando desde a Consellería de Educación non apreciamos un apoio á nosa Língua.
Pola nosa banda, seguiremos programando actividades aínda que as dificultades "administrativas" son cada vez maiores.
Un saúdo.

Premio

2010-10-01T15:19:00.001-07:00

A finais de maio presentamos o Proxecto 7+1 integrado polos blogues setemaisun e linguademontes aos V Premios da Fundación Impuls. Estes dous blogues estaban xestionados e realizados basicamente polo alumnado de PDC. En xullo, recibimos a noticia de que foran merecedores do II Premio Talita-Impuls, como boa experiencia docente de integración das TIC na aula para alumnos con Necesidades Educativas Especiais.

Daquela queremos deixar constancia do noso agradecemento a quen así o estimou. Para nós foi tamén un gran impulso e a confirmación de que traballabamos nunha liña que tamén outros pensaban axeitada.

E como coordinador, tan só compartilo con elas e con eles: con Alba, Dani B., Dani S., David, Guille, Iria, Iván, Jónatan, Lucía Leticia, Lucía, Marius, Ramón, Raquel e Santi. Grazas por aprendermos xuntos e por tantos sorrisos neste tres últimos anos. E tamén a Marta (compañeira do ámbito científico) e Adriana (orientadora), por compartir as mesmas ideas.

Así mesmo, gustaríame recoñecer o traballo de moitas blogueiras e blogueiros en lingua galega agrupados en normalizagaliza. Non poucas veces nos deron ideas para mellorar o noso traballo.

E por último sinalar que, aínda que circunstancias laborais me afastan temporalmente deste proxecto, estou seguro de que vai seguir incluso con máis forza e con novas ideas.

Sendeirismo ata o Observatorio de Forcarei

2010-06-24T04:15:00.000-07:00

Aproveitando que era último día de curso e que estiveramos traballando todo o ano na Hora de ler ao redor do tema da astronomía, os de 1 e 2º ESO fomos no coche de San fernando ata o observatorio. Aquí tedes algunha imaxe do camiño dende o Chano Piñeiro. Paga a pena. Por certo, aproveitamos para invitarvos a coñecelo pois está moi ben. E tamén, felicitamos aos gañadores do concurso de Ideas Emprendedoras para a nosa comarca: M. Espigares e D. Rey.

Chove para que eu soñe: unha performance

2010-06-24T04:04:00.000-07:00

Onte para rematar o curso visitounos Serafín Marcos Fernández. E trouxo ao noso IES uha proposta distinta pois tratábase dun espectáculo moi divertido e de gran plasticidade elaborado con versos de Uxío Novoneyra. Con eles intentaba amais tecer un percorrido biográfico ao redor do autor courelao. Deixámosvos unhas fotos.

El Puto Coke: Gal-EGO

2010-06-24T03:04:00.000-07:00

O pasado luns 21 de xuño tivemos a oportunidade de escoitar no Instituto a un dos rapeiros con maior tradición nisto do hip-hop que hai en Galicia: El Puto Coke. Despois de moitos anos e varios discos, agora atrávese con temas en galego co cal dende este ENDL queremos darlle os nosos parabéns e que siga. Ademais de rapear tamén nos falou da historia do rap e de como nas orixes tiña unha filosofía reivindicativa que cada vez se vai perdendo máis en favor de certa superficialidade.

Mirade este vídeo. Orgullosos de sermos galegos.

Un manga de Iván

2010-06-01T14:43:00.001-07:00

Iván, alumno de 2ºB, envíanos este manga. Tan só agardamos que sexa o primeiro dunha serie moito máis longa.

Open publication

Para sermos claros

2010-06-01T12:02:00.000-07:00

E en vídeo, aquí

DECRETO

View more documents from Bergantera.

Somos unhas /uns artistas

2010-05-20T12:23:00.000-07:00

Aquí vos deixamos os finalistas do concurso de banda deseñada que argallamos entre o ENDL e o departamento de plástica. Cal vos gusta máis? Opinade.

O departamento de Plástica súmase á homenaxe a Novoneyra

2010-05-19T10:28:00.000-07:00

O departamento de Plástica decidiu sumarse ás homenaxes á Novoneyra e traballaron por grupos na ilustración dun poema do autor lugués.

Velaquí o escollido polos de 2º da ESO:

Os de 3º da ESO elixiron estoutro:

E os de 4º ESO:

- -

Jaureguizar, entre nós

2010-05-19T08:43:00.000-07:00

O pasado venres 14 de maio visitounos unha vez máis o escritor Santiago Jaureguízar. Xa estivera no noso centro hai dous anos pois daquela leramos a súa novela Salitre. Desta estivemos os de 2º ESO durante unha hora falando con el sobre o libro que lemos este ano, O contador de estrelas. Un primeiro amor entre Antía e un rapaz albanés, un pai desaparecido que aparece, referencias a Luna Nueva, a extraterretres,... Moitos ingredientes para que o pasedes ben este verán léndoa. Nós recomendámosvola.
Déixamovos agora unha pequeniña presentación cun par de fotos que tiramos neste acto. E en breve, poñeremos un enlace coa entrevista que lle fixemos.

Xurxo Mariño, no IES Chano Piñeiro

2010-05-13T14:52:00.000-07:00

Hoxe tivemos a sorte de contar con Xurxo Mariño no noso centro. Neurocientífico da Facultade de Ciencias da Saúde de A Coruña, é un dos grandes divulgadores deste tipo de ciencia no noso país. Neste sentido é ben interesante o proxecto do Discurshow que leva a cabo para a divulgación rigorosa e divertida da ciencia co actor Vicente de Souza.

Para esta ocasión, Xurxo Mariño ofreulle ao alumnado de 4º ESO e 1º Bach a conferencia titulada Neuronas, mente e realidade virtual. Falounos da estrutura do sistema nervioso central, da percepción, da relación entre o eu e a mente e, en xeral, do funcionamento do noso cerebro. E todo dun xeito moi ameno e interesante. Agardamos que non tarde moito en volver polo noso centro.

Correlingua: a nosa homenaxe a Novoneyra

2010-05-07T11:17:00.000-07:00

Onte 6 de maio participamos na festa do Correlingua que se celebraba en A Estrada. Para esta ocasión, o alumnado escolleu palabras que conformaban versos de Novoneyra e que levaban ás costas. Como a lingua. Os versos que escolleron foron os seguintes. Haberá que pensar por que:

Un pobo nace sempre

Galicia do silencio, calada á forza

Galicia, será a miña xeración quen te salve

Neva para atenuar o mundo

A forza do noso amor non pode ser inútil

Deixámovos cunha presentación desta festa na que cantamos, choutamos, berramos, bailamos, en fin, queo pasamos moi ben. Antes podedes poñerlle unha banda sonora, por exemplo, este tema de Mercedes Peón, moi ao caso:

II Concurso de elaboración de Proxectos emprendedores

2010-05-07T11:12:00.001-07:00

Despois do éxito do pasado ano, o ENDL do IES Chano Piñeiro xunto co Departamento de Ciencias Sociais e a Agrupación de Comerciantes de Forcarei convoca o concurso de elaboración de proxectos emprendores que favorezan o desenvolvemento da zona de Terra de Montes e contribúan á fixación da poboación. As demais condición, tédelas nesta foto.

De momento vai dirixido só ao alumnado do Chano Piñeiro pero posiblemente para o ano intentaremos que poida participar un maior número de centros. E, coma sempre, se queredes colaborar nun futro ou facernos suxestións estariamos encantados de recibilas. E xa sabedes como facelo.

Roteiro A praia dos afogados

2010-05-07T03:40:00.001-07:00

O pasado 14 de abril o alumnado de primeiro de Bacharelato -despois de ler os dous libros do detective Leo Caldas- tivemos a sorte de percorrer co seu autor, Domingo Villar, o escenario de A praia dos afogados, durante unha fermosa mañá primaveral. Ademais o director do centro de estudos do Val Miñor agasallounos cunha lección magnífica e multidisciplinar sobre este marabilloso recanto do sur de Galicia. Serían estes os cons nos que afundiran a barca?

Agardamos que o Equipo de Normalización e Dinamización Lingüística siga argallando este tipo de saídas. E este ano, aínda tivemos sorte pois xa imos coa segunda, despois do roteiro de Castelao no mes de xaneiro.

Mini-entrevista a Josefa, emigrante galega en París

2010-04-15T07:57:00.001-07:00

A nosa viaxe de estudos a París deu para moito, como vos diciamos no post anterior. Para esta ocasión traémosvos en podcast unha entrevista con Josefa. Josefa é unha emigrante galega que leva máis de 30 anos en París traballando como porteira, emprego que desenvolveron a maior parte das galegas na capital de Francia. Estivemos na súa portería, na zona da Ópera, e contestou amablemente a unhas preguntas que lle fixemos.
En Ile-de-France disque hai máis de 20.000 galegas e galegos. E a maior parte non só fala en galego senón que llo transmite aos seus descendentes. Aínda han de facer bo a celebérrima frase "sempre nos quedará París". Reparade, iso si, a lóxica influencia do francés na súa lingua: o factor, o fiul, o sandic. Cantos nos recorda á protagonista de L'Hérisson
Moitas grazas Josefa pola túa acollida e por facernos sabedores de tantas cousas.

Podcast de Josefa, unha emigrante galega en Paris

setemaisun's Podcast

Os Beatles, en galego

2010-04-12T10:52:00.000-07:00

O alumnado de 4º Diver fixo esta tradución-adaptación do Yellow submarine. Para ver a tradución e subtítulos en galego xa sabedes, ide a Choose Language, opción galego.

O Sena é testemuña do noso amor

2010-04-07T07:57:00.001-07:00

Na semana anterior á de Pascua, un grupo de alumnas e alumnos de 4ºESO realizaron unha viaxe de estudos á capital francesa. Iredes tendo noticias aos poucos do que alá fixeron. Pois non só se dedicaron a visitar os emblemáticos monumentos senón que realizaron outras actividades que iremos publicando nestes días e moi relacionadas coa nosa lingua. Alguén sabe cantas galegas e galegos viven na rexión parisina? E tedes idea de canta xente estuda galego na Sorbona?

En fin. De momento, unhas fotos de Andrea e Claudia.

Excursión a parís

Celso Fernández Sanmartín, a arte da lingua contada

2010-04-07T04:02:00.000-07:00

O pasado 26 de marzo tivemos ocasión, unha vez máis, de disfrutar da arte da contada con Celso Fernández Sanmartín. E xa tanto dá que sexa ante un auditorio máis amplo ou máis reducido, o efecto é sempre o mesmo: o abraio.

Agardamos que esta non sexa a última. por se alguén aínda non o coñece, aquí poñemos un vídeo dos compañeiros do IES de Breamo.

O profesor Yamamoto, de novo en Forcarei

2010-02-24T02:26:00.000-08:00

Hai varios anos o profesor Yamamoto, da universidade de Tenri visitounos por primeira vez. Dende entón, cada vez que vén por Galicia non deixa de agasallarnos coa súa visita. Nesta ocasión, presentoulle ao alumnado cun galego cada vez máis fluído algúns aspectos da cultura e civilización nipona, entre eles, o seu sistema gráfico.
E reservou para o final unha sorpresa que non vou desvelar pois sei que aínda vai facer algunha visita máis a outros centros.
Cando un escoita falar galego a xente de culturas tan distantes, un non deixa de preguntarse, por que aínda hai aquí xente que se nega a facelo.
Outras referencias aquí e pódelo escoitar nesta emisión de radio

As posibilidades de Goanimate: primeiros exemplos

2010-02-11T04:38:00.000-08:00

Aquí deixamos as primeiras mostras realizadas con Goanimate por parte de Paula e Óscar, alumnos do IES Chano Piñeiro. Agardamos que realicen máis e mellores.

GoAnimate.com: proba 2 by setemaisun

Like it? Create your own at GoAnimate.com. It's free and fun!

GoAnimate.com: Pelexa by setemaisun

Like it? Create your own at GoAnimate.com. It's free and fun!

Máis Toondoos: de Noemi e de Iván

2010-02-10T04:43:00.000-08:00

By setemaisun | View this Toon at ToonDoo | Create your own Toon

E así son as cousas

2010-02-07T16:04:00.000-08:00

Actualización da análise do novo Decreto do PlurilingüIsmo

View more presentations from Coordinadora Galega ENDL.

Polo mar corren as lebres, polo monte as sardiñas

2010-02-07T15:52:00.000-08:00

Prolingua 20 Mentiras sobre a lingua galega (2010)

View more presentations from A profa .

Xa non chove como chovía

2010-02-07T15:36:00.000-08:00

A seguinte presentación do actual SXPL é de hai uns tres anos:

Pol�ticas ling��sticas emerxentes en Galicia

View more presentations from Anxo Lorenzo.

O seguinte artigo foi publicado en maio do 2008 en A Nosa Terra polo actual SXPL. Paga a pena botarlle unha ollada.

Contra as cordas

2010-02-07T15:31:00.000-08:00

Na recente Xornada de Formación dos Premios á Innovación en Normalización Lingüística (serán as últimas) o actual SXPL viuse contra as cordas ante os argumentos das compañeiras e compañeiros. Parabéns polo premio. Parabéns pola contundencia dos vosos argumentos. Saúde e lingua.

as aulas e o despacho from SonCine on Vimeo.

Fútbol+cómic

2009-12-21T07:19:00.000-08:00

Iván de 2ºB acaba de enviarnos esta tira realizada con www.toondoo.com. Adicado ás / aos futboleiras/os do mundo.

By setemaisun | View this Toon at ToonDoo | Create your own Toon

María Souto, meteoróloga da TVG, no IES Chano Piñeiro

2009-12-04T04:04:00.000-08:00

Hoxe ás 11:30 visitounos María Souto, meteoróloga da TVG, que nos fixo unha presentación sinxela e amena de como se fai unha predición do tempo e como se traballa no Servizo galego de Meteoroloxía. Realmete resultou moi interesante polo seu contido amais de pode comprobar que na nosa lingua tamén se pode non só facer ciencia de calidade senón tamén divulgala, como ela ben nos dixo no comezo da súa presentación. Daquela consideramos que foi unha actividade moi produtiva e recomendable.

O San Martiño, a AGXPT e Animoto

2009-11-25T05:23:00.000-08:00

O pasado martes 10 de novembro, véspera do San Martiño, patrón da vila de Forcarei, pasamos a tarde coa Asociación Galega do Xogo Popular e Tradicional que nos amosaron a que xogaban os nosos pais, e nalgún caso, aínda xogamos nós. Pasámolo moi ben. Con algunhas das fotos fixemos este vídeo utilizando www.animoto.com.

Para que serve o galego

2009-11-24T08:28:00.000-08:00

Para que serve o galego? Esta presentación que atopamos na rede dános resposta.

paraqueserveogalego

View more presentations or Upload your own.

Ensaiando as posibilidades de bubblr

2009-11-17T04:13:00.000-08:00

Aquí tedes unha impresionante carreira de motos comentada por elas mesmas e pola tolemia de Toño de 4ºESO

E quen sabe de coches? Pois José Luis de 4º ESO. Agora ben, o que ten que arranxar de veras son as faltas de ortografía e certos prexuizos un tanto machistas.

E como os de Forcarei vos son bos troiteiros, aquí vos deixamos esta secuencia de Álex de 4º ESO, quen agarda ter unha muller que lle cociña (mala centella,...!!!).

E seica queren volver de viaxe de fin de curso a Paris, alomenos Sofía de 4º que xa neceu alí.

A sinceridade do monte

2009-11-17T04:07:00.000-08:00

Velaquí unha nova tira de Marc de 4º ESO

Petroglifos Campo Lameiro + Marabilla

2009-11-10T03:54:00.001-08:00

A nosa lingua TAMÉN é o noso PATRIMONIO.

O pasado 15 de outubro tivemos os de 3º ESO unha saída a Campo Lameiro (ou Campo Barrizal?) para coñecer o Centro de Interpretación de Arte Rupestre. Alí recibíronnos unhas monitoras que fixeron o percorrido connosco e ademais explicáronnos estas manifestacións artísticas dos nosos antepasados. Aquí vos deixamos un pequeno vídeo de como foi esa visita guiada. Moi recomendable. E moitas grazas a Yolanda de 3º A polas fotos.

De Películas

Fotobook de Terra de Montes

2009-11-03T09:17:00.000-08:00

Hoxe presentámosvos unha actividade que fixemos utilizando unha ferramenta para crear e compartir fotobooks utilizando imaxes do gran "celeiro" ou repositorio de imaxes que é flickr. Agardamos que con estas sinxela presentación fotográfica vaiades coñecendo mellor onde estamos. Nota: se clicades na parte superior dereita da foto, iredes pasando as imaxes

Cantar mola, en galego MÁIS (III): Fuxan os Ventos

2009-11-01T13:59:00.000-08:00

Cantas veces quixemos cantar esta canción e non nos lembrabamos da letra. Vaia, daquela, este vídeo subtitulado e sirva tamén como homenaxe a este grupo mítico da música galega que o pasado ano celebraba o seu 25 aniversario. Noraboa.

Ou se prefires esta versión DJ que nos fan chegar dende a bitácora As gabarras do IES de Breamo

UF: do relato de Séchu Sende ao cómic

2009-10-26T15:58:00.000-07:00

Aproveitando que a finais do pasado curso nos veu visitar Séchu Sende (grazas Séchu), intentamos reflexar un relato seu, Uf, nunha tira cómica usando outro recurso da web2.0, neste caso, strigenerator. O resultado foi o seguinte. A ver que vos parece. Que relatos credes que serían facilmente convertibles en tiras cómicas?

Agora tedes que clicar aquí para vela.

Facendo cómics on line

2009-10-23T04:15:00.000-07:00

A web2.0 ofrécenos moitas posibilidades, entre elas, a de elaborar cómics ou viñetas con line. Durante un recreo estivemos ensaiando con www.toondoo.com e hoxe deixámosvos unha pequena mostra. Outro día achegaremos outras viñetas máis realizadas con outros programas. A ver que vos parece. Esta tira foi realizada por Martín D. de 2ºESO

by setemaisun | Create your own Cartoon at www.toondoo.com

Cantar mola, en galego MÁIS (II)

2009-10-21T13:37:00.000-07:00

Nestes momentos, creo que todas e todos necesitamos botar un sorriso liberador. E como nos gusta a retranca, a ironía, o humor e cantar aquí vos deixamos unha peza máis para esta especie de karaoke que, aos poucos, imos construíndo. E neste caso podedes ademais ensaiar a coreografía. Iso si, con tino. Como vedes o dúo Beyoncé-Ana Kiro? E non esquezades, quen canta os males espanta.
Nota: para que saian os subtítulos na pestana do vídeo onde pon "Choose Language" colledes a opción Galician

Pedimos suxerencias: A quen vos gustaría adicar este vídeo?

Comedia bífida

2009-10-19T08:41:00.000-07:00

O pasado xoves 15 de marzo o alumnado de Bacharelato deste centro tivo a oportunidade de asisitir á posta en escea da "polémica" obra de teatro Comedia bífida de M. Nuñez Singala. A representación tivo lugar en A Estrada no Salón Teatro onde ademais estaba o IES Marco do Camballón de Vila de Cruces e o Losada Diéguez e García Barros de A Estrada. Moita xente, entón, para ver unha obra divertida que afonda, con ironía e humor, nos múltiples prexuízos que rodean a nosa lingua.

Cantar mola, en galego MÁIS

2009-10-16T09:53:00.000-07:00

Aproveitando as ferramentas da web2.0, subtitulamos esta canción de Mercedes Peón -que nos visitou en xuño do curso pasado. E dende Forcarei enviamos tamén un saúdo para alá. Un saúdo para os que vaian a Compostela o domingo 18 de outubro. Un saúdo para os que aínda falan esta lingua ferida. Un saúdo para os que aman. Un saúdo para os que a falarán. E a cantar. Quen canta os males espanta.
Nota: para que saian os subtítulos na pestana do vídeo onde pon "Choose Language" colledes a opción Galician

E para quen prefira o hip hop, unha mostra de Dios que te crew

Francisco Rodríguez, connosco

2009-10-14T11:09:00.000-07:00

Este martes 13 de novembro estivo co alumnado de Bacharelato e 4º ESO o ex-deputado e profesor Francisco Rodríguez para falarnos da situación actual da lingua. Falounos das distintas actitudes que se podía ter cara a nosa lingua, dos intereses de moitos medios de comunicación e de grupos de poder en transmitir a falacia da imposición lingüística e de como, na actualiadade, ser galegofalante xa supón máis unha actitude de lealdade ideolóxica que de lealdade natural, que sería o desexable.

Agora ben, La Voz de Galicia, na súa edición de Deza fíxose eco da noticia. En castelán.

Aid e b-boy Rubén no comezo de curso

2009-10-14T10:28:00.000-07:00

O pasado curso rematámolo coa actuación sorprendente e marabillosa de Mercedes Peón. Este ano comezamos tamén de xeito musical e con baile. O día 25 de setembro estiveron connosco a rapeira viguesa Aíd que viña acompañada por un b-boy. Gran espectáculo tamén. Mágoa que polo de agora Aid tan só teña dúas cancións en galego no seu disco mais prometeunos máis pois o hip hop de calidade e na nosa lingua tamén é posible.

Un pequeno erro técnico impide que escoitedes as cancións que Aíd cantou no IES Chano Piñeiro pero podédela escoitar aquí